Haradinaj përkujton të rënët e gushtit 1998 në Gllogjan e Irzniq

Ish-kryetari i Aleancës, Ramush Haradinaj, ka përkujtuar nga Gllogjani dhe Irzniqi rënien e atyre që dhanë jetën gjatë gushtit të vitit 1998.

Përmes një postimi në Facebook, Haradinaj ka theksuar rëndësinë e sakrificës dhe heroizmit të atyre që kontribuan në luftën për çlirimin e Kosovës. Ai e ka vlerësuar qëndresën e tyre si një burim frymëzimi për shumë luftëtarë të lirisë, të cilët vazhduan me betejat e tyre deri në çlirimin e vendit.

Postimi i tij shpreh mirënjohje ndaj të rënëve dhe rëndësinë e kujtimit të sakrificës së tyre.