Një 31-vjeçar ka marrë një ndalim për të hyrë në një spital për një periudhë prej tre vjetësh, pas kërcënimeve të përsëritura ndaj stafit dhe kërcënimit për të vënë zjarr në objekt.
Andrew Stonier është përshkruar nga autoritetet lokale si një person që ka kryer “abuzim serioz dhe kërcënime” ndaj punonjësve të Royal Oldham Hospital në Greater Manchester, Angli. Këshilli i Oldhamit ka kërkuar një urdhër për sjellje kriminale për të mbrojtur stafin e Shërbimit Kombëtar të Shëndetësisë (NHS). Ky urdhër do të mbetet në fuqi deri në qershor të vitit 2029.
Sipas autoriteteve, vendimi i gjykatës erdhi pas një serie incidentesh, gjatë të cilave Stonier kishte kërcënuar vazhdimisht infermierë dhe punonjës të spitalit, duke përfshirë kërcënimet për të vënë zjarr në ndërtesë. Këshilli i Oldhamit ka shprehur shqetësim, duke theksuar se kjo sjellje shkaktoi probleme të mëdha, pasi stafi kalonte orë duke u marrë me situatën, duke humbur kështu kohë dhe burime të rëndësishme për pacientët.
Përmes urdhrit të gjykatës, Stonier nuk lejohët të hyjë në Royal Oldham Hospital, përfshirë zonat klinike, urgjencën dhe shërbimet ambulatore, deri më 28 qershor 2029. Ai do të ketë mundësi të hyjë në spital vetëm në situata të caktuara, si për një kontroll të planifikuar ose në rast nevoje për trajtim urgjent mjekësor. Nëse ai shkel këtë urdhër, përballet me arrestim.
Gjykata ka përcaktuar gjithashtu se, në rastet e vizitave të planifikuara, ai duhet të largohet nga spitali brenda 30 minutash para ose pas përfundimit të takimit.
You must be logged in to post a comment Login