Aktori i njohur turk, Kıvanç Tatlıtuğ, ka habitur miliona adhurues të tij në të gjithë botën me një vendim të papritur. Ai ka mbyllur përfundimisht llogaritë e tij zyrtare në rrjetet sociale, përfshirë Instagramin dhe X (ish-Twitter), duke iu larguar plotësisht botës digjitale.
Ky hap ka nxitur menjëherë aludime dhe kureshtje tek publiku, i cili po spekullonte se pas këtij vendimi mund të qëndronte ndonjë projekt të ri, një krizë profesionale, ose një arsye personale të rëndësishme.
Megjithatë, vetë Tatlıtuğ ka shpjeguar arsyen e këtij veprimi përmes një deklarate të shkurtër dhe të drejtpërdrejtë. I pyetur në lidhje me këtë rast, ai ka thënë: “Thjesht kisha dëshirë, ashtu vendosa. Nuk ka ndonjë arsye të veçantë apo të rëndësishme.”
Pavarësisht se ka lënë pas më shumë se 5 milionë ndjekës në Instagram, ylli turk ka treguar se preferon një jetë më të thjeshtë dhe larg vëmendjes së vazhdueshme të rrjeteve sociale.
You must be logged in to post a comment Login