Ish-banorja e “Big Brother VIP Kosova 4”, Alba Pollozhani, ka shprehur shqetësim të thellë në rrjetet sociale lidhur me shkeljen e normave fetare që lidhen me shërbimin e Kuranit në disa komuna shqiptare me shumicë myslimane.
Përmes disa postimeve në “InstaStory”, ajo ka theksuar se është befasuar për faktin se në disa xhami mungon Kurani, ndërsa ai është në dispozicion për blerje në librari. Alba e ka cilësuar këtë situatë si një formë të papranueshme të përfitimit të Kuranit përmes tregtisë.
“Turp edhe haram për gjithë ju shqiptarët myslimanë që i keni marrë fjalët e Zotit t’i përdorni për biznes,” ka shkruar ajo, duke shprehur indignatën ndaj kësaj prakse.
Alba ka bërë thirrje për veprime nga institucionet dhe liderët e komunitetit fetar, duke u kërkuar atyre që të mos lejojnë vazhdimin e këtij fenomeni. Ajo ka theksuar se këtë mënyrë, feja myslimane dhe fjalët e Zotit po shihen si një mjet për fitim.
“Prandaj prisni t’i tërheqni më shumë njerëz në fenë myslimane, por ju që i mbani pozitat, duhet të jeni më të kujdesshëm që të mos lejoni këtë fenomen,” vijon reagimi i saj, duke theksuar rëndësinë e ruajtjes së pastërtisë shpirtërore.
Në një reagim tjetër, Alba ka përmendur edhe një individ që, sipas saj, ka qenë i prekur nga qëndrimi i saj. Ajo ka argumentuar se një mysliman i devotshëm duhet të kuptojë se përfitimi financiar nuk duhet të lidhet me shitjen e Kuranit.
“Zoti e ka caktuar riskun për të gjithë. Nuk ka vend për fitime materiale përmes Kuranit,” ka theksuar ajo.
Alba, e cila më parë kishte shprehur dëshirën për të vendosur shaminë si pjesë e besimit të saj, po rikthen në vëmendje raportin e saj me fenë, duke paralajmëruar se deklaratat e saj mund të nxisin diskutime të shumta në rrjetet sociale.
You must be logged in to post a comment Login