Bisedimet SHBA-Iran në Zvicër – çka dihet deri tani?

Delegacione nga Shtetet e Bashkuara, Irani dhe Pakistani kanë mbërritur në Zvicër, ku bisedimet pritet të fillojnë më vonë sot.

Kur dhe ku fillojnë bisedimet? Negociatorët amerikanë dhe iranianë do të nisin takimin e tyre rreth orës 13:00, sipas orës lokale, në vendpushimin malor zviceran të Burgenstock. Kështu ka pohuar një burim iranian për CNN.

Për këtë ngjarje, Shtetet e Bashkuara dhe Irani kanë dërguar zyrtarë të nivelit të lartë. Zëvendëspresidenti JD Vance kryeson delegacionin amerikan, ndërsa negociatori kryesor i Iranit, Mohammad Bagher Ghalibaf, do të udhëheqë atë të Teheranit, sipas raportimeve të mediave iraniane, përkatësisht Saberin News.

Zëdhënësi i Ministrisë së Jashtme të Iranit, Esmail Baghaei, i cili është pjesë e ekipit iranian, ka deklaruar për mediat shtetërore se bisedimet Iran-SHBA do të zhvillohen në një format katërpalësh, me praninë e delegacioneve nga Pakistan dhe Katar.

Çështjet që lidhen me Libanin janë të pranishme në axhendë, pasi përplasjet midis Izraelit dhe Hezbollahut rrezikojnë marrëveshjen e sapoardhur mes SHBA-së dhe Iranit. Vance ka shprehur shpresën për arritjen e përparimeve në negociatat lidhur me trajtimin e materialeve bërthamore të Iranit.