Shqipëri: Aksident pranë “Syrit të Kaltër”, dy persona bien me motor në humnerë

Një aksident është regjistruar pranë “Syrit të Kaltër”, ku dy persona janë rrëzuar me motor në një humnerë rreth 15 metra në anë të rrugës. Njëri prej tyre është shtetas i huaj.

Të dy personat kanë pësuar lëndime të lehta. Në operacionin e shpëtimit morën pjesë forcat e MZSH-së, struktura të Policisë dhe Urgjenca Mjekësore.

Pas nxjerrjes nga zona e rënies, të lënduarit u dërguan në Spitalin e Sarandës për ndihmë mjekësore.