Një ngjarje e pazakontë ka ndodhur në Sussex, Britaninë e Madhe, ku një grua ka zbuluar një lakuriq nate duke notuar në tualetin e saj gjatë një vale të nxehti.
Kafsha, e njohur si “Louis”, duket se kishte hyrë përmes një dritareje të hapur, për t’u shpëtuar nga temperaturat ekstreme me qëllimin për të gjetur ujë, sipas raportimeve nga Mirror.
Pas gjendjes së dehidratuar dhe të dobësuar, lakuriqi u shpëtua me kujdes dhe iu dorëzua ekspertëve të Sussex Bat Group. Njëherësh, u konfirmua se ai ishte një serotine, një nga llojet më të mëdha të lakuriqëve në Britani.
Pas një jave këndelljeje dhe ushqyerjeje me krimba, Louis u rikuperua plotësisht dhe kaloi me sukses një fluturim testues, duke u bërë gati për t’u rikthyer në natyrë.
You must be logged in to post a comment Login