Një piton prej 4 metrash, i emëruar sipas aktores së njohur Jodie Foster, ka kaluar një trajtim të suksesshëm ndaj kancerit me një metodë që zakonisht aplikohet te njerëzit.
Ky gjarpër, i cili jeton në Chester Zoo, ishte diagnostikuar me fibrosarkomë, një tumor malinj në nofull. Sipas raportimeve nga BBC, situata u përkeqësua pas një operacioni fillestar për të hequr tumorin, pasi ai riktheu dhe filloi të dëmtonte kockën e nofullës.
Për të trajtuar këtë problem, specialistët e veterinarisë vendosën të përdorin elektrokimioterapinë. Kjo metodë kombinon ilaçet kundër kancerit me impulse elektrike, me qëllim shkatërrimin e qelizave tumorale.
Ky rasti besohet se është i pari në botë ku elektrokimioterapia është përdorur te një gjarpër. Për shkak të madhësisë së pitonit, veterinerët ishin të detyruar të bashkonin dy tavolina operacioni për procedurën.
Pas rreth 90 minutash ndërhyrjeje, pitoni u rikuperua shpejt dhe tani ka përfunduar procesin e shërimit.
You must be logged in to post a comment Login