Real Madridi ka hequr dorë nga tërheqja për Julian Alvarez, pas refuzimit të një oferte prej 150 milionë eurosh nga Atletico e Madridit.
Klubi madrilen, i cili ka në radhët e tij lojtarë si Mbappe, Vinicius dhe Endrick, ka vendosur të mos futet në një garë të pamundur financiare. Kjo tërheqje e Realit i hap rrugën Barcelonës, e cila po e kërkon sulmuesin argjentinas si pasardhës të Robert Lewandowskit.
Megjithatë, transferimi vazhdon të jetë i komplikuar. Atletico nuk është e gatshme ta shesë yllin e saj te një rival direkt. Alvarez, 26 vjeç, ka një kontratë që zgjat deri në vitin 2030, me një klauzolë që arrin në 500 milionë euro, ndërsa çmimi aktual i tij nuk zbret nën 130-150 milionë euro.
You must be logged in to post a comment Login