Kryetari i Lidhjes Demokratike të Kosovës (LDK), Lumir Abdixhiku, ka shprehur shqetësimin e tij lidhur me mundësinë e zgjedhjeve të reja para seancës konstituive. Ai nënvizoi se partia e tij po punon vazhdimisht për të shmangur këtë situatë.
Para mediave, Abdixhiku informoi se në diskutimet me Vetëvendosjen (VV), përpiqen të reflektojnë bindjet e LDK-së. Ai theksoi se takimet e tyre kanë si qëllim evitimin e zgjedhjeve të reja.
“Përderisa po takohemi, mbesim të vetmit që dëshirojmë t’i shmangim zgjedhjet e reja. Ata që na kritikojnë nuk e kuptojnë arsyen e takimeve tona. Besoj se ata na shtyjnë drejt zgjedhjeve të reja, por kjo do të ishte një dëm i madh për Republikën e Kosovës,” tha ai.
You must be logged in to post a comment Login