Pas rastit me malarie në Kosovë, infektologu del me apel urgjent për qytetarët që udhëtojnë

Një paciente nga një shtet i huaj është pranuar më 1 gusht në Qendrën Klinike Universitare të Kosovës (QKUK) me një gjendje të rëndë shëndetësore.

Sipas njoftimit të bërë nga QKUK, pacienteja është transferuar në Klinikën Infektive, ku është konstatuar se ajo kishte udhëtuar së fundmi në vende ku malaria është endemike. Pas kryerjes së analizave, mjekët kanë konfirmuar diagnozën e malaries.

Pas këtij rasti, infektologu Gramoz Bunjaku ka ndarë një postim në Facebook, në të cilin ofron disa këshilla për qytetarët që planifikojnë të udhëtojnë në vende endemike për malarien.

Postimi i tij përmban informacione të vlefshme për ata që duan të jenë të informuar dhe të mbrojtur.