Presidenti ukrainas Volodymyr Zelenskyy deklaroi të enjten se Ukraina do të përgjigjet ndaj të gjitha sulmeve ruse. Ai e quajti sulmin e mëngjesit në rafinerinë e Moskës, si një akt të justifikuar pas sulmit të Rusisë ndaj Lavrës Kiev-Pechersk, një nga simbolet më të rëndësishme historike dhe fetare të Ukrainës.
Zelenskyy theksoi se Ukraina nuk do të qendrojë e qetë nëse Rusia vazhdon luftën. Ai theksoi, “Nëse Ukraina digjet, do të digjet edhe Moska.” Ai gjithashtu shpjegoi se ky sulm është një shenjë e përgatitjes për të dhënë një përgjigje të fuqishme ndaj agresionit rus.
Sipas presidentit, mbrojtja ajrore e Moskës, e njohur si një nga më të fortat në botë, nuk arriti të ndalojë sulmin me dron të Ukrainës. Ai vuri në dukje se madje me tre unaza mbrojtjeje, Moska nuk kishte sukses.
Rafineria e naftës në Moskë është një nga më të mëdhatë në vend, duke furnizuar rreth 40% të tregut të karburantit në Moskë dhe duke luajtur një rol kyç në furnizimin me karburant për aeroportet kryesore të qytetit.
Zelenskyy nënvizoi nevojën për të shtuar presionin ndaj Rusisë, duke e cilësuar si të domosdoshme rritjen e sanksioneve ndaj sektorëve kyçë, përfshirë energjinë, flotën në hije dhe sistemin bankar.
Ai përfundoi duke shpërndarë një mesazh për popullin rus, duke theksuar se është koha që ata të kuptojnë se vetëm një njeri është përgjegjës për luftën, dhe se populli është ai që e paguan çmimin për të.
You must be logged in to post a comment Login