Murtezaj: Është momenti i fundit që institucionet e Kosovës të konsolidohen (VIDEO)

Profesori i diplomacisë dhe marrëdhënieve ndërkombëtare, Valon Murtezaj, ka komentuar zhvillimet politike të fundit në Kosovë.

Ai theksoi se vendi ndodhet në një moment kyç për konsolidimin e institucioneve. Në emisionin “Info Magazine” në Klan Kosova, Murtezaj shprehu bindjen se ka një numër të mjaftueshëm individësh që mund të kryejnë me sukses detyrën e presidentit.

Sipas tij, pozita e presidentit nuk duhet të shndërrohet në një pengesë për funksionimin demokratik të institucioneve në Kosovë.

“Është momenti i fundit që institucionet e Kosovës të konsolidohen, të konstitohet Kuvendi, të vazhdohet me votimin e qeverisë dhe zgjedhjen e presidentit. Kosova ka individë që mund të performojnë me sukses në detyrën e presidentit. Nuk duhet lejuar që kjo pozitë të shëndrohet në një bllokadë për funksionimin demokratik të institucioneve, që është paralizuar pothuajse për dy vjet,” deklaroi ai.