Gjenden mbetje mortore në Rahovec, dyshohet se i solli uji i reshjeve të fundit

Në një fushë të hapur në Rahovec, një qytetar ka zbuluar mbetje mortore, të cilat dyshohet se janë njerëzore dhe janë sjellë aty nga uji i reshjeve të fundit.

Sipas informacionit të policisë, njësi relevante kanë shkuar në vendin e ngjarjes për të tërhequr mbetjet mortore. Ngjarja është njoftuar nga një mashkull kosovar, i cili ka vënë re mbetjet gjatë ecjes në fushë.

Policia ka bërë të ditur se rasti është duke u hetuar më tej.