Diell dhe temperatura deri në 32°C nesër

Moti për nesër pritet të jetë me diell, me disa pjesë të vranë.

Sipas Institutit Hidrometeorologjik të Kosovës (IHMK), temperaturat minimale do të variojnë nga 10 në 13°C, ndërsa ato maksimale pritet të arrijnë prej 28 deri në 32°C.

Era do të jetë e lehtë, me drejtime të ndryshme.

IHMK njofton se kushtet agrometeorologjike do të jenë shumë të favorshme për zhvillimin e kulturave bujqësore. Temperaturat e përshtatshme, moti i thatë dhe orët e gjata me diell do të krijojnë kushte ideale për pjekjen e drithërave.

Gjithashtu, kjo fundjavë është e përshtatshme për përgatitjen dhe nisjen e punimeve në arat me drithëra, duke qenë se po afron fillimi i fushatës së korrje-shirjeve të grurit.

Sipas IHMK-së, në rrafshin e Dukagjinit, korrjet pritet të fillojnë rreth 10 ditë më herët se në rrafshin e Kosovës, për shkak të kushteve më të favorshme klimatologjike.