Sulm ndaj policëve në Vushtrri, dy persona përfundojnë në mbajtje

Dy persona janë arrestuar në Vushtrri nën akuzën se kanë penguar dhe sulmuar zyrtarët policorë gjatë kryerjes së detyrës së tyre.

Sipas raportit të Policisë së Kosovës, incidenti ndodhi mesditën e së hënës në rrugën “Bedri Pejani” në Vushtrri.

Si pasojë e sulmit, dy zyrtarë policorë kanë marrë lëndime dhe kanë pranuar tretman mjekësor.

Pas intervistimit, me vendim të prokurorit, dy të dyshuarit janë dërguar në mbajtje.

Rasti është në proces hetimi nga organet kompetente.