Kylian Mbappé vazhdon të befasojë botën e futbollit dhe të shkruajë histori me fanellën e Francës. Sulmuesi 26-vjeçar luajti një rol kyç në fitoren 3:1 të “Gjelave” ndaj Senegalit në Kupën e Botës, duke shënuar dy gola dhe duke vendosur dy rekorde të reja të jashtëzakonshme.
Ylli i Real Madridit arriti në kuotën e 57 golave me kombëtaren franceze, duke barazuar me Olivier Giroudin si golashënuesin më të mirë në histori të Francës.
Mbrëmja e Mbappé nuk mbaroi këtu; golat e tij ndaj Senegalit e çuan në 14 numrin e golave në historinë e paraqitjeve të tij në Kupën e Botës. Ai tani e kalon brazilianin Pelé, i cili ka shënuar 12 gola, dhe argentinasi Lionel Messi, me 13 gola.
Sulmuesi francez tani ka një objektiv të vetëm përpara vetes: të thyejë rekordin absolut të golashënuesit më të mirë në histori të Kupës së Botës. Në krye të kësaj liste vazhdon të jetë Miroslav Klose me 15 gola, një më shumë se Mbappé, i cili duket më afër sesa kurrë për të fituar titullin historik.
Me ritmin dhe potencialin që ka, Mbappé po dëshmon se është një nga emrat më të mëdhenj të futbollit modern dhe një kandidat serioz për të thyer rekorde që dikur duken të paarritshme.
You must be logged in to post a comment Login