Vezir Haziraj, i dyshuar për plagosjen me armë zjarri në fshatin Orroberdë të Istogut, është dorëzuar në polici. Ngjarja ndodhi më 7 gusht, dhe pas një hetimi intensiv, autoritetet arritën të siguronin dorëzimin e tij.
Policia e Kosovës, përmes një komunikate, bëri të ditur se pas një plani të përbashkët veprimi me njësitë e tjera, i dyshuari kuptoi se nuk kishte mundësi të largohej. “Sot, më 15 gusht 2026, Sektori Rajonal për Hetime zbatoi një plan veprimi në bashkëpunim me njësitet nga niveli qendror. AKI-ja ka luajtur një rol të rëndësishëm duke qenë aktive dhe tepër bashkëpunuese gjatë gjithë periudhës,” thuhet në komunikatë.
Rasti i plagosjes ndodhi rreth orës 20:50, kur viktima u qëllua me armë zjarri. Pas ndihmës së parë në Spitalin Rajonal të Pejës, ai u dërgua për trajtim në Qendrën Klinike Universitare të Kosovës (QKUK).
Zëdhënësi i Prokurorisë Themelore në Pejë, Shkodran Nikçi, konfirmoi se Haziraj është dërguar në mbajtje për 48 orë. “I dyshuari, pas intervistimit nga hetuesit policorë, do të ndalohet për 48 orë me urdhër të prokurorit të shtetit. Brenda afatit ligjor do të ndërmerren veprimet e nevojshme,” bëri të ditur Nikçi.
You must be logged in to post a comment Login