Dy shpërthime bombash në Pakistanin veriperëndimor kanë rezultuar në vdekjen e të paktën shtatë personave të shtunën, sipas raportimeve nga autoritetet.
Shpërthimi i parë ka qenë i targetuar ndaj një automjeti, ndërsa i dyti ndodhi gjatë operacioneve të shpëtimit të zhvilluar në Bannu, një distrikt në provincën Khyber Pakhtunkhwa, që ndodhet kufi me Afganistanin. Zyrtari i lartë i policisë, Yasir Afridi, informoi se të dyja shpërthimet u kontrolluan nga distanca, siç raportoi agjensia Associated Press.
Afridi theksoi se pesë persona humbën jetën në shpërthimin e parë, ndërsa dy të tjerë në të dytin. Gjithashtu, tre persona tjetër u plagosën. Aktualisht, po zhvillohet një operacion kërkimi për të identifikuar personat përgjegjës për këto sulme.
Asnjë grup nuk ka marrë menjëherë përsipër përgjegjësinë për shpërthimet, megjithatë dyshimet e para lidhen me talebanët pakistanezë, të cilët janë akuzuar për sulme të ngjashme në të kaluarën.
Në reagimin e tij, Presidenti Asif Ali Zardari dënoi ashpër këto aktet e dhunës. Në një deklaratë, ai shprehu ngushëllime për familjet e viktimave dhe u lut për shërimin e shpejtë të të plagosurve.
You must be logged in to post a comment Login