Nëse mendojmë se dhuratat janë vetëm një mënyrë për të shprehur dashurinë, studimet e fundit sugjerojnë se ato mund të ndikojnë gjithashtu në marrëdhënien në çift.
Një studim i publikuar në revistën shkencore Family Relations, i realizuar në vitin 2026 me pjesëmarrjen e 403 individëve në tri eksperimente, analizoi lidhjen mes dhuratave dhe kënaqësisë në martesë. Studiuesit zbuluan se dhuratat materiale mund të rrisin kënaqësinë në marrëdhënie, ku ndikimi lidhet edhe me intensitetin emocional të ofruar nga dhurata.
Lidhja mes dhuratave dhe pasurisë është një tjetër aspekt interesant. Një hulumtim i publikuar në European Sociological Review, i cili analizoi të dhëna nga 11 vende evropiane, zbuloi se familjet që kishin marrë dhurata dhe trashëgimi kishin një nivel pasurie dukshëm më të lartë se ato që nuk kishin përfituar transferime të tilla.
Diferenca në pasuri në nivelin median ishte rreth 119 mijë euro, ndërsa për 10 për qindshin më të pasur arrinte rreth 630 mijë euro. Ndërsa për 1 për qindëshin e sipërm, diferenca kalonte 2.3 milionë euro.
Megjithatë, studiuesit nuk pretendojnë se blerja e dhuratave nga burrat për gratë automatizisht e bën familjen më të pasur. Hulumtimi evropian përqendrohet kryesisht te transferimet e pasurisë dhe trashëgimive, të cilat përfshijnë para dhe pasuri që kalojnë nga një person ose familje te tjetra.
Nga ana tjetër, një studim me 301 çifte të martuara në Korenë e Jugut zbuloi lidhje mes materializmit të bashkëshortëve, të ardhurave relative dhe kënaqësisë martesore. Kjo tregon se marrëdhënia mes parave dhe martesës është më komplekse se sa thjesht “më shumë shpenzime, më shumë lumturi.”
You must be logged in to post a comment Login