Pas largimit të Zelenskyt, Netanyahu mbërrin në Shtëpinë e Bardhë

Kryeministri izraelit, Benjamin Netanyahu, ka arritur në Shtëpinë e Bardhë, ku pritet të ketë një takim me presidentin amerikan, Donald Trump.

Më parë, Trump zhvilloi një diskutim me presidentin ukrainas, Volodimir Zelensky, i cili sapo kishte përfunduar takimin para se Netanyahu të mbërrinte.

Në vijim, presidenti amerikan do të takohet me kryeministrin izraelit. Sipas raportimeve, temat kryesore të diskutimit do të përfshijnë luftën Rusi-Ukrainë dhe situatën në Lindjen e Mesme.

Të dy takimet me Zelenskyn dhe Netanyahun janë të mbyllura për mediat.