Kombëtarja e Shteteve të Bashkuara të Amerikës ka marrë një lajm të rëndësishëm para ndeshjes së saj ndaj Belgjikës në fazën e 1/16-tës së Kupës së Botës 2026. FIFA ka anuluar kartonin e kuq të Folarin Balogunit, duke i dhënë mundësinë sulmuesit të marrë pjesë në këtë përballje vendimtare.
Balogun ishte përjashtuar nga ndeshja e kaluar ndaj Bosnjë e Hercegovinës, ku ai mori kartonin e kuq. Ky vendim fillimisht nënkuptonte pezullimin e tij për ndeshjen e ardhshme.
Sipas raportimeve, FIFA e ka konsideruar këtë ndëshkim si të gabuar. Përveç anulimit të pezullimit të Balogunit, ajo vendosi gjithashtu të pezullojë për një vit arbitrin që drejtoi atë takim.
Pas këtij vendimi, presidenti amerikan, Donald Trump, shprehu falenderime për FIFA-n përmes një postimi në platformën e tij Truth Social. Ai tha se ishte falënderues që ishte përmbysur një padrejtësi e madhe.
Presidenti Trump ka marrëdhënie të afërta me presidentin e FIFA-s, Gianni Infantino. Sipas raportimeve, ata pritet të jenë të pranishëm në ceremoninë e finales së Botërorit 2026, ku do t’i dorëzojnë trofeun ekipit fitues.
You must be logged in to post a comment Login