Një ngjarje tragjike ka ndodhur të dielën mbrëma në fshatin Maznik të Deçanit, ku një baba dhe biri humbën jetën nga rryma elektrike gjatë larjes së veturës në oborrin e shtëpisë.
Sipas informacioneve nga familjarët, fillimisht ka ndërruar jetë 66-vjeçari Xhemajl Mustafaj. Në përpjekje për ta ndihmuar atë, ka humbur jetën gjithashtu djali i tij, 34-vjeçari Hasan Mustafaj.
Të dy ata u dërguan në Qendrën e Kujdesit të Mjekësisë Familjare në Deçan pa shenja jete, ku vdekja e tyre u konfirmua. Më pas, Spitali i Pejës ka bërë të njohur gjithashtu vdekjen e tyre.
Ky incident ka tronditur thellësisht familjen Mustafaj dhe gjithë komunitetin në Deçan. Viktimat janë përshkruar si individë të nderuar në fshat, ndërsa 34-vjeçari la pas bashkëshorten dhe tre fëmijë të vegjël.
Për më shumë informacione, ndiqni kronikën më poshtë.
Be the first to comment