Një foshnjë dhe një grua kanë humbur jetën pas përmbysjes së një varke pranë Statujës së Lirisë në portin e New York-ut.
Roja Bregdetare amerikane shpëtoi disa individë nga uji, pasi varka motorike, e gjatë rreth 6.7 metra, u përmbys. Pas këtij incidenti, zhytësit gjetën foshnjën e pajetë, e cila raportohet se ishte vetëm pesëmuajshe, së bashku me gruan.
Të dyja u transportuan me helikopter në një spital në Brooklyn në gjendje kritike, megjithatë, fatkeqësisht nuk arritën të mbijetonin.
Nuk dihet ende nëse foshnja dhe gruaja kishin lidhje familjare. Autoritetet ende nuk kanë përcaktuar shkakun e përmbysjes së varkës. Roja Bregdetare njoftoi se hetuesit janë nisur për të marrë në pyetje kapitenin e varkës, dhe hetimet për këtë ngjarje tragjike vazhdojnë.
You must be logged in to post a comment Login