Zjarr i madh në Himarë, flakët përfshijnë zonën e Llamanit

Një zjarr i fuqishëm ka shpërthyer në zonën e Llamanit në Himarë, duke përfshirë sipërfaqe të konsiderueshme me bimësi dhe shkurre.

Sipas raportimeve të Euronewsal, flakët po përhapen me shpejtësi për shkak të temperaturave të larta dhe erës, duke rrezikuar një sipërfaqe edhe më të gjerë toke.

Në vendngjarje janë angazhuar pesë mjete zjarrfikëse, të cilat po punojnë intensivisht për të shuar flakët dhe për të vënë situatën nën kontroll, sipas Klankosova.tv.

Gjithashtu, janë të pranishëm edhe efektivë të shërbimeve të emergjencës, të cilët po monitorojnë situatën dhe ndërhyjnë në pikat më të ndjeshme.

Deri tani, nuk ka raportime për persona të lënduar apo banesa të rrezikuara, ndërsa puna e zjarrfikësve vazhdon pa ndërprerje për izolimin e vatrës së zjarrit dhe parandalimin e përhapjes së mëtejshme të flakëve.