Arrestohet pas gjashtë vitesh në arrati personi i kërkuar për disa vepra penale

Policia e Kosovës ka arrestuar sonte në Batllavë Nazmi Luten, i cili dyshohet se ishte i kërkuar për disa vepra penale dhe kishte qëndruar në arrati për rreth gjashtë vjet.

Sipas burimeve nga Klan Kosovo, Luta ishte në kërkim nga autoritetet për veprime të ndryshme penale. Pas arrestimit, pritet që të ndërmerren procedurat ligjore të nevojshme.

Klankosova.tv ka kontaktuar policinë për të marrë më shumë detaje rreth rastit, por deri tani nuk është marrë një përgjigje.