Presidenti amerikan, Donald Trump, shprehu pritshmëritë e tij për një armëpushim që do të hyjë në fuqi në të gjitha frontet, përfshirë edhe midis Izraelit dhe Hezbollahut, i mbështetur nga Irani, në Liban.
Në një postim në platformën e tij Truth Social, Trump theksoi se shpreson që vendet në Lindjen e Mesme të “ruajnë angazhimin e tyre për të lejuar zhvillimin e negociatave”.
Ai shtoi: “Ne presim një armëpushim të plotë në të gjitha frontet, përfshirë Libanin, Hezbollahun dhe Izraelin.”
Një nga pika të para të marrëveshjes ShBA-Iran është deklarata për “ndërprerjen e menjëhershme dhe të përhershme të operacioneve ushtarake në të gjitha frontet, përfshirë Libanin”.
Megjithatë, Izraeli ka njoftuar se nuk ka plane për të tërhequr trupat e tij nga Libani. Sipas mediave shtetërore libaneze, sot janë regjistruar sulme në jug të vendit.
You must be logged in to post a comment Login