Fermeri dyzetvjeçar, Hasim Lembesi, u gjet i vdekur brenda një pitoni gjigant, konfirmoi policia në provincën Maluku Veriore të Indonezisë të martën.
Lembesi, banor i fshatit Waisakai në Ishujt Sula, kishte humbur kontaktin të hënën në mbrëmje, ndërsa kthehej në shtëpi nga një fshat fqinj, raporton Jakarta Globe. Pas shumë orësh pa të, familjarët dhe vendasit organizuan një kërkim për të. Gjatë këtij kërkimi, ata zbuluan sendet e tij personale dhe gjurmë gjaku në shtegun pyjor që ai kishte ndjekur.
Për një rast të çuditshëm, ata vërejtën një piton të madh me një bark jashtëzakonisht të fryrë afër vendit ku ishin gjetur gjurmët. Vendasit, me ndihmën e policisë, vranë gjarprin dhe, pas prerjes, zbuluan trupin e Hasim Lembesit. Zëdhënësja e Policisë së Ishujve Sula, Jaya Afandi M. Soamole, njoftoi se viktima ishte gjetur rreth orës 20:30, pas sulmit nga pitoni. Trupi u transportua më pas në familjen e tij në fshatin Waisakai për t’u varrosur.
Pamje amatore prej aty kanë qarkulluar, duke treguar vendasit dhe oficerët e policisë duke ndjekur gjarprin në bimësi para se ta vrisnin. Videoja gjithashtu tregon momentin kur trupi nxirret nga kafsha.
Ndërsa sulmet fatale të pitonëve ndaj njerëzve janë të rralla, ato ndodhin herë pas here në Indonezi. Ky vend është habitat natyror i pitonëve rrjetëzorë, që janë ndër gjarpërinjtë më të mëdhenj në botë. Raste të tilla janë regjistruar kryesisht në zonat rurale, ku njerëzit përfshihen në aktivitete si punimi në pyje apo plantacione, duke rritur kështu mundësitë e takimeve me këta gjarpërinj. Edhe pse pitonët nuk janë helmues, ata e mbytin prejnë me një kapje të fuqishme.
You must be logged in to post a comment Login