Një aksident tragjik trafiku ka ndodhur në Itali të hënën, ku një burrë ka humbur jetën. Alessandra Magnani u përplas nga një biçikletë e drejtuar nga Paolo Belli, një këngëtar dhe prezantues i njohur, rreth mesditës. Pas aksidentit, Magnani u shtrua në spital por ndërroi jetë për shkak të plagëve të marra.
Ngjarja ka ndodhur në rajonin Bassa Reggiana, midis qyteteve Correggia dhe Campagnola. Sipas raportimeve të para nga La Gazzetta dello Sport, 41-vjeçari po kthehej në makinën e tij pasi kishte dorëzuar dokumente te banorët lokalë për llogari të një kompanie shpërndarjeje energjie, lidhur me ndërprerjet e energjisë elektrike për shkak të punimeve të planifikuara. Magnani, përveç angazhimeve në kompani, ishte gjithashtu i njohur për përfshirjen e tij në botën e sportit, si trajner volejbolli dhe tifoz i pasionuar i klubit Napoli.
Detajet e tjera mbi aksidentin ende nuk janë të qarta. Sipas policisë lokale, burri ra në tokë pas goditjes nga biçikleta. Shërbimet e urgjencës reaguan me shpejtësi, duke dërguar një ambulancë dhe një helikopter mjekësor. Magnani u transportua në Spitalin Maggiore në Parma, në një gjendje kritike, ku ndërroi jetë pasditen e ditës pasuese. Hetuesit nuk përjashtojnë asnjë mundësi lidhur me shkakun e vdekjes, duke përfshirë mundësinë e traumave nga rënia ose ndonjë sëmundje e papritur.
Këngëtari Paolo Belli gjithashtu ka pësuar lëndime të lehta dhe është dërguar në spital. Ai është shprehur shumë i tronditur nga ngjarja dhe ka pyetur për shëndetin e Magnanit.
You must be logged in to post a comment Login