“Ramushi është legjendë”, Kadrijaj e ashpër pas thirrjes së mërgimtarit për pushkatimin e Haradinajt

Deputetja e Aleancës, Time Kadrijaj, ka shprehur një reagim të fortë pas thirrjes së një mërgimtari për pushkatimin e Ramush Haradinajt, e cila ndodhi sot brenda sallës së Kuvendit të Kosovës.

Kadrijaj e kritikoi ashpër pushtetin, duke e lidhur këtë deklaratë me nxitjen e militantëve kundër luftës dhe komandantëve të saj. Ajo theksoi se është alarmante se çfarë ka arritur situata në vend dhe si janë ushqyer militantët për të vepruar në këtë mënyrë.

“Shifni ku ka arritur çmenduria e pushtetit, si i ka ushqy militantët kundër luftës dhe komandantëve të luftës. Po ju del boja kadal-kadal,” shkroi ajo në një postim.

Në përfundim, deputetja Kadrijaj theksoi se “Ramushi është legjendë”.