Në Rrugën “Hetem Selmani” në Milevc, një banori i është ndërprerë furnizimi me ujë të pijshëm për shkak të borxhit të akumuluar ndaj ujësjellësit.
Sipas informacionit të publikuar nga KRU Prishtina, borxhi i papaguar ka arritur në 2,770 euro. Kjo situatë ka rezultuar në ndërprerjen e shërbimit dhe largimin e konsumatorit nga rrjeti i ujësjellësit.
KRU Prishtina ka theksuar se rikthimi i furnizimit me ujë do të ndodhë vetëm pas shlyerjes së obligimeve financiare. Ata apeluan për pagesë të rregullt të faturave nga ana e konsumatorëve.
“Uji nuk funksionon me ‘seen’ apo premtime, por vetëm me pagesa”, thuhet në reagimin e KRU Prishtina.
Kjo ndërprerje është pjesë e masave që po merren ndaj mospagesave të detyrimeve të akumuluara për vite.
You must be logged in to post a comment Login