Ermal Mamaqi ka ndarë përvojën e tij si opinionist në sezonin e tretë të “Ferma VIP”, një format që pritet të përfundojë me finalen e madhe më 15 qershor.
Në një intervistë në emisionin “Mes Drite” në Vizion Plus, aktori dhe producenti i njohur komentoi detyrën e tij në panelin e opinionistëve të spektaklit. Gjatë bisedës, ai u pyet për pagesën që ka marrë për këtë rol, por vendosi të mos zbulojë shifra konkrete.
“Ti mendon se jam aq budalla… (qesh). Shiko, jam paguar, por më shumë se çfarë unë meritoj. Jam shumë mirënjohës,” tha ai.
Ky ka shënuar sezonin e parë të Ermal Mamaqit si opinionist në “Ferma VIP”, ku ka ndarë panelin me Einxhel Shkirën dhe Armina Mevlanin, duke komentuar dinamika dhe zhvillime mes konkurrentëve gjatë gjithë edicionit.
You must be logged in to post a comment Login