Çmimi i naftës nuk e ndal hovin, kaq kushton sot

Ministria e Industrisë, Ndërmarrësisë, Tregtisë dhe Inovacionit ka shpallur çmimet maksimale të lejuara për derivate të naftës për sot.

Sipas informacionit të publikuar në Facebook, çmimi maksimal i naftës është vendosur në 1.75 euro për litër, që përfaqëson një rritje prej 2 centësh krahasuar me ditën e djeshme.

Nga ana tjetër, benzina do të shitet me çmimin maksimal prej 1.50 euro për litër, i cili nuk ka ndryshuar nga niveli i djeshëm. Gazi do të tregtohet me çmimin 0.61 euro për litër.

Këto çmime do të hyjnë në fuqi nga ora 10:00.