Sipërmarrësi i njohur nga Gjilani dhe figura e njohur e showbizit, Fisnik Syla, ka hyrë në një kapitull të ri të jetës së tij sentimentale. Ish-bashkëshorti i këngëtares Fjolla Morina ka zyrtarizuar lidhjen e tij me partneren e re, duke ndarë me ndjekësit disa momente nga pushimet luksoze që po shijon.
Në fotografitë e publikuara, Fisniku shfaqet pranë të dashurës së tij në një vilë multimilionëshe, ku të dy duken të lumtur dhe të relaksuar, larg angazhimeve të përditshme. Megjithatë, ai ka zgjedhur të mbajë privatësinë e partneres, duke mos e zbuluar fytyrën e saj në asnjërën nga imazhet.
Biznesmeni, i cili jeton dhe vepron në Belgjikë, duket se po e shijon në maksimum këtë romancë të re, ndërsa postimet e tij kanë tërhequr vëmendjen e ndjekësve dhe mediave rozë. Edhe pse nuk ka ndarë shumë detaje mbi identitetin e partneres, fotografitë e tij konfirmojnë se ai është në një lidhje të re dashurie.
Kujtojmë se Fisnik Syla dhe Fjolla Morina kurorëzuan dashurinë e tyre në vitin 2022. Megjithatë, marrëdhënia e tyre zgjati pak dhe çifti vendosi ta përfundojë martesën pas një periudhe të shkurtër. Pas ndarjes, të dy kanë vazhduar jetën e tyre veçmas, ndërsa tani duket se Fisniku ka gjetur sërish lumturinë.
You must be logged in to post a comment Login