Një grup fëmijësh ranë në një lumë të dielën e kaluar, pasi një urë prej druri u shemb gjatë një ekskursioni në fshatin Vyzhenka, në rajonin Chernivtsi të Ukrainës. Këtë ngjarje e njoftoi Shërbimi Shtetëror i Emergjencave të Ukrainës.
Pamjet e publikuara nga autoritetet tregojnë momentin kur ura shembet nën këmbët e fëmijëve ndërsa ata po kalonin lumin.
Disa prej fëmijëve u plagosën dhe u dërguan në spital për trajtim, sipas informacionit të dhënë nga zyrtarët. Ata shtuan se ura u shemb për shkak se nuk arrinte të mbante peshën e grupit të fëmijëve.
Aktualisht po hetohen rrethanat e këtij incidenti.
You must be logged in to post a comment Login