Gjen kuletën me para dhe dokumente, qytetari nga Vitia e dorëzon në Polici

Një qytetar nga Vitia ka dorëzuar në Stacionin Policor të Vitisë një portofol të gjetur, i cili përmbante dokumente personale, karta bankare, si dhe një shumë parash.

Sipas informacionit nga Policia, qytetari B. Haziri u paraqit në stacionin policor për të dorëzuar portofolin e gjetur.

Pas pranimit të portofolit, zyrtarët policorë morën menjëherë veprimet e nevojshme. Pas verifikimit të dokumenteve dhe procedurave të zakonshme ligjore, ata arritën të identifikonin dhe kontaktonin pronarin legjitim. Të gjitha sendet e humbura, përfshirë dokumentet, kartat bankare dhe paratë, iu kthyen atij.

Policia e Kosovës thekson se ky rast tregon rëndësinë e bashkëpunimit dhe besimit të ndërsjellë mes qytetarëve dhe forcave policore. Kjo është një nga shtyllat kryesore të sigurisë dhe mirëqenies në komunitet.