Në një ditë të rëndësishme për procesin demokratik në Kosovë, ambasadori gjerman në Prishtinë, Rainer Rudolph, ka vlerësuar ecurinë e zgjedhjeve që po mbahen sot.
Përmes një video-mesazhi, Rudolph theksoi se deri tani procesi zgjedhor po zhvillohet në mënyrë të qetë, pa raportime për probleme.
Ai bëri të ditur se po merr pjesë në monitorimin e zgjedhjeve së bashku me katër ekipe të tjera, në një ushtrim të organizuar nga Zyra e Bashkimit Evropian në Prishtinë. Monitorimi po zhvillohet në qendrat e votimit duke u vëzhguar nga afër situata.
“Me vendosmërinë për të vëzhguar procesin, po marrim pjesë me katër ekipe në ushtrimin e monitorimit të zgjedhjeve të organizuar nga Zyra e Bashkimit Evropian në Prishtinë. Aktualisht, jam duke vizituar qendrat e votimit në Prishtinë dhe përreth. Çfarë kam parë deri tani duket e qetë dhe po zhvillohet pa probleme. Presim me interes rezultatet e zgjedhjeve sonte,” u shpreh ambasadori Rudolph.
Ai shtoi se pret me kuriozitet publikimin e rezultateve pas përfundimit të ditës së votimit.
You must be logged in to post a comment Login