Enxhull Mulolli, një i ri 18-vjeçar, ka zgjedhur të ndjekë një rrugë shpirtërore të thellë duke kryer Haxhin në moshën e tij të re. Në një intervistë ekskluzive për emisionin “Ora Shtatë”, ai shpjegoi arsyet që e çuan në këtë vendim, raporton Klankosova.tv.
Për Mulollin, kryerja e Haxhit ka qenë një qëllim i pranishëm që nga fëmijëria, dhe ai theksoi se ka pasur mbështetje të plotë nga familja në këtë rrugëtim. “E kam pasur përkrahjen e familjes për këtë rrugëtim,” deklaroi ai në emisionin e Klan Kosovës.
Ai shprehu se nuk e sheh si problem faktin që e ka kryer Haxhin në një moshë kaq të re. Sipas tij, lakmia nuk ka pasur vend në mendjen e tij dhe se nuk merakoset për mundësinë e mëkateve.
Gjatë bisedës, Mulolli ndau dhe përjetimin e lutjes së tij të parë në Qabe. “Kur e kam parë Qaben për herë të parë, ka qenë një emocion i papërshkrueshëm. Lutja kryesore ka qenë për prindërit e mi së pari, e pastaj edhe veten time,” deklaroi ai.
Pas kthimit nga Haxhi, Mulolli u emocionua jashtëzakonisht dhe shpërtheu në lot, duke ngjallur ndjenja të forta te opinioni publik.
You must be logged in to post a comment Login