Dukës dhe Dukeshës së Sussex-it u është ofruar një rezidencë mbretërore gjatë vizitës së tyre në Mbretërinë e Bashkuar, ku do të qëndrojnë me fëmijët e tyre muajin e ardhshëm, raporton BBC.
Familja e plotë do të udhëtojë drejt Britanisë. Princi Harry dhe Meghan do të shoqërohen nga Archie, i cili është 7 vjeç, dhe Lilibet, 5 vjeç, në këtë udhëtim të tyre të parë familjar në Mbretërinë e Bashkuar pas katër vitesh.
BBC News ka njoftuar se familjes i është ofruar akomodim në një pronë mbretërore, por ata ende nuk kanë dhënë një përgjigje për ftesën.
Në vizitat e mëparshme, Princi Harry ka refuzuar ofertën për të qëndruar në Pallatin Buckingham për shkak të shqetësimeve në lidhje me sigurinë që paraqet një ndërtesë kaq të njohur dhe të spikatur.
Për momentin, nuk dihet se cila rezidencë mbretërore i është ofruar familjes në këtë rast.
You must be logged in to post a comment Login