Zjarri më i madh në historinë moderne të Norvegjisë ka shkaktuar shkatërrimin e më shumë se 100 shtëpive dhe ka detyruar qindra njerëz të evakuohen, njoftuan autoritetet të shtunën.
Ngjarja e rëndë nisi në një kompleks banesash të ngjitura në qytetin e Drammenit rreth orës 15:30 të së premtes, sipas informacionit nga policia. Zjarri u përhap shpejt në zonën përreth dhe në pyjet afër.
Të shtunën në mëngjes, zjarrfikësit vazhdonin përpjekjet për të vënë flakën nën kontroll, siç raportoi agjencia AP. Drejtoria Norvegjeze për Mbrojtjen Civile theksoi se ky ishte zjarri më i madh i këtij lloji në kohët moderne.
Sipas NRK, transmetuesit publik të Norvegjisë, qindra njerëz u drejtuan drejt një qendre evakuimi për të kërkuar strehim.
Policia njoftoi se nuk ka pasur raportime për banorë të zhdukur, megjithatë nuk është bërë e qartë se çfarë e shkaktoi zjarrin. Drammeni ndodhet rreth 34 kilometra në jugperëndim të Oslos.
You must be logged in to post a comment Login