Një peshkatar 31-vjeçar nga Meksika ka arritur të mbijetojë për 15 ditë në një shpellë nënujore, mbi 100 metra thellë, pa ushqim dhe në errësirë të plotë.
Erasto Crisanto Valdez kishte shkuar për peshkim me babanë e tij më 23 korrik. Ndërsa ndiqte një peshk me fuzhnjë, ai hyri më thellë në një sistem shpellash dhe humbi orientimin.
Gjatë qëndrimit të tij, Valdez gjeti një hapësirë me ajër që i lejonte të merrte frymë. Ai arriti të pinte ujë nga një lumë nëntokësor, duke qëndruar pa ushqim, duke fjetur dhe duke lutur.
Pas gjashtë ditësh kërkimesh, ekipet zbuluan fuzhnjën e tij në rreth 65 metra thellësi, por nuk arritën të gjenin peshkatarin, sipas raportimeve të Bild.
Një ekip ndërkombëtar nga Meksika, Gjermania, Shtetet e Bashkuara dhe Republika Dominikane vazhdoi kërkimet. Pas 15 ditësh, një zhytës amerikan arriti të zbulonte Valdezin në një shpellë të thatë.
I rraskapitur dhe i dehidratuar, ai u nxor në sipërfaqe nga zhytësit dhe u dërgua menjëherë në spital për kujdes mjekësor.
You must be logged in to post a comment Login