Zyrtarët e Zyrës Doganore Kufitare Karasoviçi arritën të parandalojnë një tentativë për futjen e paligjshme të 43 orëve të dorës në territorin e Bashkimit Evropian.
Sipas informacioneve nga mediat kroate, orët u gjetën në një automjet që po drejtohej nga një shtetas i Kosovës, i cili kishte një leje qëndrimi në Kroaci.
Gjatë kontrollit të shtuara doganor në trafikun e udhëtarëve, autoritetet kontrolluan një automjet me targa kroate. I njëjti po drejtohej nga një qytetar kosovar.
Gjatë inspektimit, në një valixhe udhëtimi, në ulësen e pasme të automjetit, u gjetën 43 orë të dorës të pa deklaruara dhe nga marka të ndryshme, siç njoftoi Administrata Doganore e Kroacisë.
Për shkeljen e konstatuar, drejtuesit të automjetit i është lëshuar një urdhër kundërvajtës, duke i shqiptuar një gjobë prej 6 mijë eurosh. Po ashtu, janë konfiskuar mallrat që ishin objekt i kundërvajtjes.
Administrata Doganore njoftoi se, duke pasur parasysh dyshimet mbi përdorimin e shenjave dalluese të markave të mbrojtura tregtare pa autorizim, procedurat e mëtejshme janë në zhvillim.
You must be logged in to post a comment Login