Ilir Shaqiri ka organizuar një situatë të veçantë për konkurrentët e tij disa ditë para finales së madhe të “Ferma VIP”. Ai ka krijuar një skenar për të shkaktuar reagime të momentit, duke simuluar një humbje ndjenjash dhe duke u shtrirë në tokë përpara pjesëmarrësve të tjerë.
Në këtë moment, pranë tij ishin Sara, Soni dhe Bujaka, të cilët ofruan menjëherë ndihmën e tyre. Fermerët iu afruan Ilirit me pyetje si “A je mirë?” dhe “A do pak ujë?”, duke u përpjekur të kuptonin nëse situata ishte e vërtetë apo ndihmonte në lojë.
Më vonë, skenës iu bashkua edhe Moza, e cila në fillim nuk e kuptoi se çfarë po ndodhte. Banorët i shpjeguan se Iliri kishte rënë papritur dhe kishte mbetur pa ndjenja. Por, sapo Moza u afrua për ta shqyrtuar, vuri re një buzëqeshje të fshehur në fytyrën e Sarës, duke zbuluar menjëherë qëllimin e skenarit.
Pasi kuptoi se bëhej fjalë për një shaka, ajo reagoi me humor: “Hajde t’i hedhim pak ujë”. Pas kësaj, Iliri u ngrit menjëherë, duke e trembur Mozën, dhe situata u mbyll me të qeshura dhe batuta mes tyre.
Kjo ngjarje ndodh në një periudhë tensioni të lartë brenda “Ferma VIP”, për shkak të afrimit të finales, ku çdo fermer po përpiqet të menaxhojë presionin e garës.
You must be logged in to post a comment Login