Azemi pyet Kurtin e Muratin: Kur do shpërndahen 100 eurot?

Kryetari i Federatës Sindikale të Punëtorëve të Sektorit Privat të Kosovës, Jusuf Azemi, ka kërkuar sqarim nga kryeministri në detyrë, Albin Kurti, dhe ministri në detyrë i Financave, Hekuran Murati, lidhur me afatet e ekzekutimit të pagesës prej 100 euro për përballje me inflacionin 2.0.

Përmes një shkrese zyrtare, Azemi tha se FSPTSPK është duke pranuar vazhdimisht pyetje se kur do të shpërndahen këto mjete, për çka dhe ka kërkuar sqarim nga qeveria në detyrë.