Gjatë vizitës së tij të dytë në Kosovë brenda tre viteve, Nënsekretari i Përgjithshëm i OKB-së për Operacionet e Paqes, Jean-Pierre Lacroix, zhvilloi takime konstruktive me kryeministrin në detyrë Albin Kurti dhe ministrin në detyrë të Punëve të Jashtme dhe Diasporës, Glauk Konjufca.
Sipas njoftimit nga UNMIK-u, gjatë diskutimeve u vlerësuan përpjekjet e vazhdueshme të Kosovës dhe progresi i arritur deri tani. Njëkohësisht, u theksua rëndësia e vazhdimit të dialogut dhe bashkëpunimit mes palëve.
Lacroix riafirmoi mbështetjen e tij për dialogun Kosovë-Serbi, duke theksuar angazhimin e UNMIK-ut për forcimin e sundimit të ligjit, promovimin e të drejtave të njeriut dhe ndihmën në ndërtimin e besimit ndërmjet komuniteteve.
Nënsekretari i Përgjithshëm gjithashtu u takua me përfaqësues të komunitetit diplomatik dhe organizatave ndërkombëtare.
You must be logged in to post a comment Login