Zjarr pranë fushës së druve në Vlorë, alarmohen banorët

Një vatër zjarri ka shpërthyer pranë fushës së druve në lagjen “Kushtrimi” në Vlorë. Sipas informacioneve, dyshohet se zjarri është shkaktuar nga mbeturinat që janë vënë në flakë.

Shtëllungat e tymit janë shfaqur në zonë, duke krijuar shqetësim te banorët e përreth.

Zjarrfikësit po punojnë për neutralizimin e flakëve, me qëllim që të parandalojnë përhapjen e zjarrit.