Zjarr në kodrat e Peshtanit, zjarrfikësit shmangin përhapjen

Një vatër zjarri ka përfshirë sot pasdite kodrat e Peshtanit në Fier, duke dëmtuar një sipërfaqe me shkurre dhe lisa.

Pas marrjes së njoftimit, zjarrfikësit e Fierit kanë reaguar menjëherë, duke nisur një operacion për izolimin e flakëve dhe për të parandaluar përhapjen e zjarrit në zona të tjera.

Falë ndërhyrjes së shpejtë, zjarri është vënë nën kontroll dhe më pas është arritur të shuhet plotësisht.

Gjithashtu, autoritetet vazhdojnë të monitorojnë zonën për të parandaluar çdo riaktivizim të zjarrit, veçanërisht për shkak të temperaturave të larta dhe kushteve që mund të favorizojnë përhapjen e flakëve.