Deputeti i Lidhjes Demokratike të Kosovës, Armend Zemaj, ka shprehur kritika të forta për menaxhimin e sektorit të shëndetësisë.
Ai theksoi se qindra pacientë me kancer po detyrohen të blejnë vetë barnat për terapitë e nevojshme, për shkak të mungesës së furnizimit, edhe pse për këtë qëllim janë ndarë miliona euro përmes tenderëve.
Zemaj deklaroi se ka financa të mjaftueshme, por ekziston një monopol i madh që sjell fitime të konsiderueshme për kompani të caktuara farmaceutike, të lidhura ngushtë me pushtetin. Sipas tij, kjo situatë krijon vështirësi për pacientët, duke i vënë ata dhe familjet e tyre përballë një ngarkese të madhe financiare dhe sociale.
Ai po ashtu sugjeroi se kjo situatë është një shkak pse shumica aktuale nuk ka interes ta konstituojë Kuvendin. Sipas tij, ata nuk duan mbikëqyrje mbi menaxhimin e këtij sektori jetik dhe nuk janë të gatshëm për llogaridhënie.
Be the first to comment