Një ngjarje e rëndë ka tronditur qytetin e Korçës, ku një i ri 20-vjeçar ka humbur jetën si pasojë e qëllimit me armë zjarri. Viktima është identifikuar si Joan Zhuko, i cili dyshohet se ishte pjesë e Forcave të Armatosura të Shqipërisë.
Sipas informacioneve të raportuara nga Euronewsal, Joan Zhuko është qëlluar me armë zjarri, me dyshimin se arma e përdorur ka qenë një kallashnikov. Autori i dyshuar është identifikuar nga autoritetet, dhe policia ka nisur një operacion për kapjen e tij.
Për të sqaruar ngjarjen, raportohet se autori e ka ndjekur 20-vjeçarin përpara se ta qëllonte në hyrje të një pallati. Në vendngjarje kanë mbërritur shërbimet e Policisë, të cilat kanë filluar hetime për zbardhjen e rrethanave dhe motivit të vrasjes.
Policia vijon kontrollet dhe kërkimet në përpjekje për të kapur autorin e dyshuar.
You must be logged in to post a comment Login