Vjedhje e rëndë në Leshak, vidhen para dhe stoli ari

Një vjedhje e rëndë është raportuar në fshatin Borovë të Leshakut. Persona të dyshuar, ende të panjohur, kanë depërtuar në një shtëpi dhe kanë marrë me vete para të gatshme, si dhe stoli ari.

Sipas burimeve, rasti ka ndodhur të enjten.

Policia ka nisur hetimet për të identifikuar autorët dhe për të zbardhur rrethanat e ngjarjes. Në këtë moment, nuk janë dhënë detaje të tjera mbi vlerën e dëmit të shkaktuar.

Rasti është në proces hetimi.